Zojuist is in de Hamar onze hoogheid 2025: Prinses Bo I uitgekomen. Onderstaand stelt ze zichzelf even voor:
Hallo allemaol, ich bun Bo Van Cleef. Ich woen op de Wilhelminastraot in Belvend, same met mien pap en mam en mien zus Anne en mien zuske Sam.
Ich bun 10 jaor aad en zit in groep 7Q van de basissjoel hiej in ut durp.
Ich doon hiel gaer volleyballe. Elke woensdig en zaoterdig train ich biej BVC Holyoke en op zondig hebbe we wedstried.
Auch ving ich ut leuk om te kermieke, eine kier in de maond ongevier gaon ich met vriendinne nao de Tiendschuur in Tegele om dao Keramiekles te kriege. We make allemaol leuke dinge..
Verder speel ich gaer met mien vriendinne nao sjoel en in ut wiekend.
Vastelaovend viere doon ich auch super gaer. En ich laup al jaore met de optocht met, same met de vriendegroep van mien pap en mam, V.K. Good Zat.
Miene groetste druim waar den auch om met te mooge doon met ut KOW, en dae druim is oetgekomme.. ongeluifelijk! En wie mien pap en mam mich vertelde det ich waar gelaot tot Prinses van ut KOW in 2025 heb ich waal 10 rundjes door de kamer gedanst. Ich waar zoe ontzettend bliej!
Ich kos den auch neet wachte tot ut zoe ver waar, en noe is dae sjoeane tied aangebraoke. Maar iers mos ich nog effkes zjwiege..
Ich haop det we d’r met zien alle eine onvergaetelijke tied van gaon make. Aan mich zal ut neet ligge..
Alaaf, Groetjes Bo d’n 1e
