Zondag 17 februari was de grote dag van het oëtkômme van onze nieuwe KOW hoogheid, Prins Tygo I (Schmitz). Tijdens een prachtig spektakel met als thema Chinees, werd Tygo gepresenteerd aan alle kleine en grote Belhamels. Zijn grote geheim mocht hij eindelijk delen met iedereen!
Iedereen kan Prins Tygo I en zijn gevolg komen feliciteren tijdens zijn receptie op zaterdag 23 februari van 17.30 uur tot 19.00 uur in de grote zaal van de Hamar. Lees verder voor het voorwoord van Prins Tygo I
Belhamels en Belhamelinnekes
Eindelik, eindelik heb ich mich aan uch kenne laote zeen! Wat ware ut lange en sjpannende maonde. As se in oktoëber al huuers des se prins wuuers en nemes iets meugs vertelle. Aaf en toe un knipuigske nao mien elders, same sjtiekem planne make, geheime aafsjpraoke zoeëas foto’s make, ’s aoves effe op vastelaovesmeziek sjpringe in de sjpeulkamer. Mer now heuf ich ut allemaol nimmer sjtiekem te doon, maar VEUR en veural MET gans Belvend!
Ich zal mich effe veursjtelle:
Miene naam is Tygo Schmitz, 10 jaor aad, en ich woën same met mien elders Sylvia en Harry, mien breurke Yari en mien zuske Kaya oppe Prins Bernhardlaan in Belvend. Doordewaeks zit ich in groep 7 van Basissjoël Kom.mijn, in de klas van juf Michelle.
Ich bun Verkenner beej Scouting Belfeld, wao mien allebei mien elders auch al van jongs af aan lid van zien. Daobeej bun ich unne fanatieke hockeyer, beej un combinatie-team van de Tegelse en Blierickse Hockeyclub.
In miene vreeje tied doon ich auch nag gaer Geocachen, un saort modern sjatzeuke met unne GPS of tillefoon.
Ich bun bliej en gruuëts det de Vastelaovend mich door mien elders met de paplaepel ingegaeve is. ’s Zomers op de camping kense beej os nag de vastelaovermeziek huuere. Neet allein is os gezin al un aantal jaor lid van de Boerefemielie van de Belhamels. Auch met ozze kammeräöj van “Ut Jeuk Wir” doon weej al jaore mei met de Belvendse optoch.
En auch al bun ich pas 10 jaor, dit wuurt al miene 11e Belvendse vastelaovesoptoch! Wat is den sjoëner den deze optoch as KOW-prins mei te meuge make? Ich haop uch allemaol dees daag beej ein van de activiteite of fiëste te kenne begroete.
We gaon der un knalfiës van make, met mien ganse gevolg en idderein van KOW. Same met alle hoeghede, beide boërebroëdspare, mer veural met gans Belvend, want: Gans Belvend dreijt door!
Alaaf!
KOW-prins Tygo I